نكت اضحك من القلب

استعرض الموضوع السابق استعرض الموضوع التالي اذهب الى الأسفل

نكت اضحك من القلب

مُساهمة  الانوثة الغامضة في الأحد يناير 16, 2011 9:12 am

في واحد مالوش شنب فصديقه سأله انت ليه مالكش شنب ؟ ؟ ؟

قالوا انا طالع لأمي . . . .

============

محشش رايح يخطب جابوله كوب شاي فيها ورقة ليبتون

قال ياخبر ابيض من اولها حجابات ؟ ؟ ؟

============

غبى راح للصيدلية قال للصديلى هات ابرة من اللي بتاخدها مراتي

قاله الصيدلي اسمها أيه ؟ ؟ ؟؟

قالو اسمها مديحة



============

بخيل سأل مراته اجيبلك ايه هديه عيد جوازنا فلوس ولا تاخدي موبايلي الجديد ؟؟؟ قالت لنفسها ده بخيل جلدة اكيد لو قلت فلوس هيديني 2 جنيه فقالتله خلاص عايزة موبايلك الجديد قالها اكتبي عندك زيرو اتناشر تلت خمسات صفرين سبعتين

============

اتنين فشارين اوى واحد بيقول للتانى تصور ماما جابتلنا حله وسعها 10 فدان .. التاني قاله طب وايه يعني ماحنا ماما جابتلنا باميه الواحدة منها طولها 2 متر ..صاحبه قاله ايه ده و بتطبخوها فين دي ؟؟؟؟ قاله فى حلة امك

============

واحد الدغ فى حرف الـ (ر) وبيتكسف جدا لما يشترى شاورمة يقول للراجل هاتلى شويمة فبيقوله هاتلى واحد كفته وخلاص وهو زعلان جدا .. طلعله عفريت قاله تطلب ايه ؟ قاله نفسى اقول شاورمة صح .. قاله خلاص قولها بكرة بس هتكون مرة واحده بس .. راح المحل وبيقول للراجل بكل عنطزة بقى هاتلى واحد شــاورمة .. قاله ايه ؟؟؟ قاله هات واحد كفتة الله يحرقك

============

مرة واحد بيعدي الشارع مع صحابه خبطته عربية ومش عارفين يقولوا لمراته الخبر ازاى ..شالوه وراحولها البيت فتحت لهم الباب واحد منهم قالها : جوزك ضيع كل فلوسه عالقمار.. قالتله : إلـهي ينشل البعيد !! .. قالها: وباع البيت .. قالتله: إلهي يبيعوا عنيه !!! قالها: واتجوز عليكي على فكرة .. قالتله: إلهي يدخلوا عليا شايلينه !!.. الراجل قال : بــس .. خشوا يا شباب

============

قـصيدة شـعر صـعيدى

وبحبك كيف ماخابرش .♥♥♥♥. وعلى فراجك ماجادرش .. من كتر الشوج خسيت وآني كنت تخين وبكرش .. والحب يابوي بهدلني .. مرمطني جوي وخرشمني .. وغرامك بيغرمني وماعادش معاي ولا جرش .. شومة حبك بطحتني .. وجاموسة الشوج نطحتني .. والهوى جحشته رفستني .. وآني يابوي ماصابرش

============

اتنين حراميه دخلوا شقة بالليل .. صاحب الشقة صحى فجأة فواحد منهم استخبى فى البلكونة والتانى استخبا فى الحمام .. شوية وصاحب البيت دخل البلكونة ومسك الاولانى وقاله انت بتعمل ايه هنا ؟؟؟ فالحرامى قاله استنى بس هفهمك .. أأ..أأأ...أنا من سلاح الطيران فى الجيش وكنت بحارب اليهود بالطياره لكن صاروخ جه فيا فنزلت بالبراشوت في البلك...ونة دى ... الراجل قاله : ايوه أهو انت كده بطل ، مش التاني اللي نايملى في البانيو ويقولى ضفادع بشريه

============

مرة 3 أطفال راحوا محل لعب واد منهم بيقول للراجل : عمو عمو عايز بالونة .. الراجل جاب السلم وطلع جابله بالونة ونزل وسأل التاني: وانت عايز ايه ? قاله عايز بالونة .. قاله وماقلتش ليه منا كنت فوق !! المهم طلع جابهاله وهو فوق سأل الواد التالت: وانت كمان عايز بالونة ??? قاله لأ.. فنزل الراجل وسأله : امال عايز ايه ? قاله عايز بالونتين

============

شاب فافى مراتة بتولد وقاعدة تصرخ جامد و هو واقف بره عمال يعيط ويقول لنفسه أنا السبب أنا السبب

==========

بلدياتنا اتجوز ، مراته خلفت بعد شهر واحد من الجواز .. واحد قاله ازاى كده ؟؟!!! قاله اعوذ بالله يا أخى حتى الحسد فى دى كمان

============

============

مرة واحد مخنوق اوى من الدنيا كلها جرس الباب رن الساعه 10 الصبح فصحى و فتح الباب لقى واحدة مذيعة بتقوله ممكن نعرف ياترى بتعمل ايه اول ماتقوم من النوم ؟ قالها انا بأقوم من أم النوم اروح أم الحمام افتح أم الحنفية اغسل أم وشى اروح أم الاوضه اقلع أم الترنج البس ام البنطلون انزل من أم الشقة اركب أم الاتوبيس اروح أم الشغل وبعد ما ...اخلص ام الشغل ارجع أم البيت وخلاص .. قالتله المذيعة: يا فندم يلعن أم البرنامج اللى خلانا نشوف وشك أمك


الانوثة الغامضة

المساهمات : 36
تاريخ التسجيل : 20/11/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى